ისევ დაბნელდა, მიდის დღე სწორედ, გარინდებული მოსჩანს საგანი. არ შემიძლია, ტყვია მესროლე, ანდა მომეცი მე გასაქანი. ალბათ სიჩუმე ისევ დადგება და სიზმარივით გაივლის ქარი. ღმერთო, ბნელდება! ღმერთო, რა დღეა! სანატრელია მზიანი დარი. არ შემიძლია, რაღაც სხვა მინდა, საშინელ გრიგალს ისევ მე ველი. სული ნაზია და სული წმინდა, როგორც ქაღალდი დაუწერელი. რესურსები ინტერნეტში *მამარდაშვილის ციფრული ბიბლიოთეკა

მაისტელიც კი ვერ უმთელებდეს ნაჭრევს, წავა ბარუქას, ათენგენაის მადლმა! ხვალე გაჩვენებ კიდეგანაის მყინვარს, - იმისი მუხლი მოსდევს არაგვისწყალას... ყურს ნუ ათხოვებ შავი ჭკეების ყივილს: ბეჩავი არი, ნაღვლიანია, ქალო! ამღას მივდივარ, კალოთანაის მხარეს, - ცხვარი იქა მყავ (თუ ხევში სად არ ჩავრჩი...)... ისე მიცვნია შენი ყოველი ლექსი, როგორც კალმახი ვიცი ასაის წყალში! გნახე მშვიდობით... ცა ჩირახივით ბოლავს - ნილსები დიან... ქვექვური ჯვარის ძალო! არ-კი გეწყინოს, - ლუდ მაუბნებდის ასე, ჩემ ათი შვილის გახარებამა, ქალო! რესურსები ინტერნეტში *შეხვედრა ლუდით შემთვრალ თორღვასთან ახიელში

„ Bionic “ — ამერიკელი მომღერლის, კრისტინა აგილერას, სიმღერა მისი ამავე სახელწოდების მქონე მეექვსე სტუდიური ალბომიდან (2010). სიმღერა დაწერილია აგილერას, კალენა ჰარპერის, ჯონ ჰილისა და Switch-ის მიერ, ხოლო პროდიუსირებაზე ამ უკანასკნელმა ორმა იზრუნა. „Bionic“ ჟანრობრივად ელექტრონული ნამუშევარია და იგი ისეთი არტისტების შემოქმედებას შეადარეს, როგორებიც არიან სანტიგოლდი და ჯენეტ ჯექსონი. ტრეკმა მეტწილად დადებითი შეფასებები მიიღო და გაზეთ The Village Voice -ის ჟურნალისტის, ენდრიუ სტაუტის, მიერ 2010 წლის მეცხრე საუკეთესო სიმღერად დასახელდა.