ჩემს სულს ასარკებს მოგონება ცხელი ასულის, ფატმან ხათუნი ელანდება ძილშიც ხარბ თვალებს. მიყვარს ეს ლანდი, მაშინაც კი, როცა მაწვალებს, შეიძლებოდეს დაბრუნება ნეტავ წარსულის. მუტრიბ მომღერალთ ისმის ქება აქ სიყვარულის. ალიონამდე ჰკოცნის ფატმან ავსებულ ყანწებს და კუროების ქარავნები ამტვერებენ გზებს, ელიან ნახვას ნდომისაგან ფერგადასულის. არ დაიღლება მისი ტუჩი კოცნით არასდროს, სულსაც მიინდობს, რომ ღალატით შემდეგ დაღადროს, მისთვის ერთია ჩაჩნაგირი და ავთანდილი.

არწივი ვნახე დაჭრილი, ყვავ-ყორნებს ეომებოდა, ეწადა ბეჩავს ადგომა, მაგრამ ვეღარა დგებოდა, ცალს მხარს მიწაზე მიითრევს, გულისპირს სისხლი სცხებოდა. ვაჰ, დედას თქვენსა, ყოვებო, ცუდ დროს ჩაგიგდავთ ხელადა, თორო ვნახავდი თქვენს ბუმბულს გაშლილს, გაფანტულს ველადა!

„ Femme Fatale “ — The Velvet Underground და ნიკოს სიმღერა. გამოიცა სინგლის სახით 1966 წელს, ლეიბლზე Verve Records. შეტანილია ჯგუფის ალბომში The Velvet Underground & Nico . არსებობს სხვადასხვა შემსრულებლის მიერ ჩაწერილი მისი საკუთარი ვერსია. Duran Duran-ის ვერსია სიმღერის საკუთარი ვერსია 1993 წელს ჯგუფმა Duran Duran-მა ალბომზე Duran Duran (Wedding Album) წარმოადგინა და პრომო სინგლის სახით საფრანგეთში გამოსცა. სიმღერების სია #Femme Fatale - 4:24 #Fallen Angel - 4:35 #Stop Dead - 4:32 რესურსები ინტერნეტში * Duran Duran Wiki სქოლიო

205. მაგრამ არც ფერეტიმეს დაუსრულებია კარგად თავისი ცხოვრება. ბარკელებთან ანგაიშის გასწორების შემდეგ, როგორც კი დაბრუნდა ლიბიიდან ეგვიპტეში, საზარლად მოკვდა: ცოცხლივ დაეხვია მატლები. ეს იმიტომ, რომ ადამიანთა მიმართ სასტიკი შურისძიება ღმერთებში დიდ სიძულვილს იწვევს. აი, ამნაირად და ასე საშინლად იძია შური ბარკელებზე ფერეტიმემ, ბატოსის ასულმა. V წიგნი: ტერფსიქორე 1.

გმინვამ და ღრიალმა კვლავ გასტენეს მართლმადიდებელთა ეზო და შენობები. _ იქი-ი! _ გაიმეორეს ჯალათებმაც. მერმე ერთმანეთში აირია ჯოხების სისინი, ლაწუნი, კივილი, გმინვა, მთვლელის კარნახი და ჯალათების გამოძახილი: _ უ-უჩ!.. დო-ო-ორთ!.. ბე-ე-ეშ! ალთი-ი-ი! თათრები თევზებივით ფარტხალობენ. მათი ხორცი ჯერ წითლად იზოლება, მერმე ლურჯდება, იბურცება და სკდება. ზურგები, გავები და ბარკლები სისხლით ირწყვება და იკეპება. კომენდანტი ბერეზოვსკი პაპიროსს აბოლებს და ისე არხეინად სცემს ბოლთას, თითქოს საკუთარ ბაღში დასეირნობსო. ვალის მოხელე ულვაშებს იკვნეტავს და შენობების კედლებს ათვალიერებს.

შიმშილი გვკლავდა. ერთს დათოვლილს ხეზე დავსხედით, შტოები გაყინული ჰქონდა. ზედ ყინული დაკიდებული და ჭირხლი მოკიდებული იყო, ყინვისაგან ტყვრებოდა; გვაკანკალებდა ტანში, საშინლად ცუდად ვიყავით, თავს ცუდად ვგრძნობდით, ცრემლი გვდიოდა მე და შენ ორივეს. ხუთი მონადირე ხუთის მხრიდან მოგვპარვიყო. თოფები გვესროლეს. შენ ბუმბული გაგადინეს და ძირის ნისკარტის წვერი მოგტეხეს. მაგრამ ორივენი ცოცხლები გადავრჩით - გავფრინდით, მაღლა-მაღლა ვიწევდით და ისე მივფრინავდით, ცოდვიანს დედამიწას ვშორდებოდით, ვშორდებოდით მტრის თვალსა და გულს. დავოსდით, დავიღალენით.

მეორეც ის, რომ ამ ზღვაში მხოლოდ და მხოლოდ რეიდებია, რომელთა უმრავლესობაც სრულიად არ არის დაცული, ისე რომ რეიდზე გაჩერება უფრო სახიფათოა, ვიდრე შუა ზღვაში. ნათქვამს უნდა დაემატოს ისიც, რომ ამ ზღვის თურქული სახელწოდება – ყარადენგის იგივეა, რაც ბერძნული მაუროტალასა; ამ ზღვას ისინი უწოდებენ აგრეთვე აყ-დენგისს, თეთრ ზღვას, პროპონტიდას, ბერძნები კი ასპროტალასას, ხოლო არაბები – ევქსინის ზღვას, ბაჰარბონტს, პონტოს ზღვას. მთელ შავ ზღვას ფლობს დიდი მთავარი252). მხოლოდ მისი ნებართვით შეიძლება აქ ნაოსნობა. ეს უკანასკნელი გიცავს მეკობრეებისაგან, რაც, ჩემი აზრით, ყველაზე უფრო სახიფათოა ზღვაზე.

ან ავზნიანი სიზმარი იყო, ან ცხადი უჟმური. - ნეტა ეხლაც ხომ ლანდი არ არის? თვალები მოიფშვნიტა და ჯაყოს მკერდს აკანკალებული თითი დაადო. არც ლანდია, არც უჟმური. - ცოცხალი ჯაყოა, ცოცხალი! მიიხედ-მოიხედა. კედელზე ჯაყოს იარაღი ჰკიდია. - მოჰკალ, მოჰკალი! რა თქმა უნდა, მოჰკლავს, უეჭველად მოჰკლავს! მხოლოდ არ იცის ხევისთავმა, ხმლით მოჰკვეთოს თავი, ხანჯლით გაჰგმიროს თუ მაუზერით გახვრიტოს. ხელი თავის-თავად წაეტანა ადლიან ხანჯალს. ამოწვდილი ფოლადი იდუმალი ანარეკლებით ლაპლაპებს. - მოჰკალ, მოჰკალ ეგ ვერაგი, ეგ ჰარამზადა, მხეცი, საზიზღარი პირუტყვი! მოჰკლავს, ეხლავე მოჰკლავს! მაგრამ რათ უკანკალებს მარჯვენა?

---- საქართველოს ისტორიის ელექტრონული ბიბლიოთეკა ---- ჟურნალის სათაური * ისტორიანი — ისტორიულ-შემეცნებითი ჟურნალი № 8, 2018, აგვისტო რესურსები ინტერნეტში * PDF ვერსია სარჩევი * ორი უძველესი ქართული წარწერა იერუსალიმში ერთად გამოიფინა * ბიბლიოთეკა — „ცათამბჯენი“ * საქართველოს ხელოვნების სასახლეს ევროპის კულტულური მემკვიდრეობის უმაღლესი ჯილდო გადაეცა * ჩაძირულ ხომალდზე 17 მილიარდი დოლარის განძია * პატარა ლიახვის ხეობა მავთულხლართს მიღმა * ლურჯი სუფრის ახალი სიცოცხლე * ევროპული თავის შექცევა რუსეთის გენერლებისგან * ქართული ხელნაწერები სანქტ-პეტერბურგში * ხის თოჯინა ეგვიპტურ პირამიდებზე ორჯერ ძველია * იერუსალიმი ჯვაროსნულ ეპოქაში * სარიყამიშის ბრძოლა * ტურინის სუდარა — „მეხუთე სახარება“ * პანამის არხის პირველი გამოცდა * კარტოგრაფიის დაბადება * სტალინი და უკრაინული ავტოკეფალიური ეკლესია * მჭადიჯვარი * ამონარიდები ძველი ჟურნალ-გაზეთებიდან * სკანვორდი

7 სექტემბერს ვენიზელოსმა სევრის ხელშეკრულებაზე ხელმოწერისა და ქვეყნის ტერიტორიული გაფართოების პირობებში მხარდაჭერის იმედით ნოემბრის დასაწყისისათვის საყოველთაო არჩევნები გამოაცხადა. გარდაცვალება 1920 წლის 2 ოქტომბერს ალექსანდროსი ტატოის ბაღში სეირნობისას დაშავდა. სასახლის ვენახის მნეს მოშინაურებულ მაგოტს თავს დაესხა მეფის გერმანული ნაგაზი, ფრიცი. ალექსანდროსმა ცხოველების გაშველება სცადა, რა დროსაც მას სხვა მაიმუნი დაესხა თავს და ფეხსა და ტორსოზე ღრმად დაკბინა. საბოლოოდ მაიმუნები მსახურებმა გაყარეს; მეფეს ჭრილობები სასწრაფოდ გაუწმინდეს და შეუხვიეს, თუმცა არ მოუწვავთ.