V.Smile — მეექვსე თაობის საგანმანათლებლო ვიდეო თამაშების კონსოლი, შემუშავებული და გამოცემული VTech-ის მიერ 2004 წლის 4 აგვისტოს. კონსოლი გათვლილი იყო სამიდან შვიდ წლამდე ბავშვებისთვის. სისტემის თავდაპირველი ფასი შეადგენდა 59 აშშ დოლარს. მასში განთავსებული იყო SunPlus-ის SPG2xx ცენტრალური პროცესორი და გააჩნდა კლავიატურის და მაუსის მხარდაჭერა. ის დაფუძნებული იყო სპრაიტულ გრაფიკაზე და ძირითად მედია საშუალებად გამოიყენებდა სათამაშო კარტრიჯებს, რომელსაც ერქვა „სმარტრიჯი“ (Smartridge). შემდგომში გამოვიდა V.Smile-ის რამდენიმე ვარიანტი, მათ შორის პორტატიული ვერსია V.Smile Pocket .

V.Flash (აგრეთვე ცნობილი როგორც V.Smile Pro ) — მეშვიდე თაობის საგანმანათლებლო სახლის ვიდეო თამაშების კონსოლი V.Smile-ის კონსოლების სერიიდან, რომელიც შექმნა და გამოსცა ამერკულმა კომპანია VTech-მა 2006 წელს ჩრდილოეთ ამერიკაში. V.Smile-ისგან განსხვავებით, V.Flash გამოიყენებს 3D კომპიუტერული გრაფიკას და შექმნილია ხუთი წლის ზემოთ ბავშვებისთვის. მასში განთავსებულია 32 ბიტიანი LSI Logic-ის ARM9 ცენტრალური პროცესორი და სათამაშო კარტრიჯის ნაცვლად ძირითად მედია საშუალებად მოიხმარს CD-ROM მოწყობილობას.