მონიშნეთ სიტყვა შეკითხვაში და დააჭირეთ ღილაკს, ან ჩასვით ნიშანი კურსორთან.

ᲧᲕᲔᲚᲐ ᲬᲔᲡᲘ ᲓᲐ ᲛᲐᲒᲐᲚᲘᲗᲘ →
ᲡᲘᲢᲧᲕᲔᲑᲘᲡ ᲠᲣᲙᲐ
ᲫᲘᲔᲑᲘᲡ ᲮᲔᲚᲡᲐᲬᲧᲝᲔᲑᲘ
უთხარით ძირკვას ზუსტად, რას ეძებთ

ჩვეულებრივ ძირკვა ყველა სიტყვას ყველა ფორმით ეძებს. ნიშნებით შეგიძლიათ თქვათ, რომ გინდათ ზუსტი ფრაზა, ერთ-ერთი სიტყვა, სიტყვა სათაურში, ერთი საიტი ან წყარო, წელი, ან რომ რომელიმე სიტყვა არ გინდათ. ყოველ ნიშანს ერთი წესი აქვს, და შედეგების ზემოთ ჩანს, როგორ წაიკითხა ძირკვამ შეკითხვა.

ნიშნები საძიებო ველის გვერდით ღილაკშიცაა: მონიშნეთ სიტყვა და დააჭირეთ.

ᲔᲠᲗᲘ ᲨᲔᲙᲘᲗᲮᲕᲐ ᲜᲐᲬᲘᲚᲔᲑᲐᲓ

„ძველი ღვინო“/ჭაჭა1
ქვევრი2
-ლუდი3
@ხალხი4
>20155
ᲔᲡ ᲫᲘᲔᲑᲐ →

ᲠᲐ ᲔᲛᲐᲠᲗᲔᲑᲐ ᲧᲝᲕᲔᲚ ᲜᲘᲨᲐᲜᲡ

ᲨᲔᲙᲘᲗᲮᲕᲐ: „ძველი ღვინო“/ჭაჭა ქვევრი -ლუდი @ხალხი >2015
↓

ᲕᲔᲫᲔᲑᲗ „ “ ! / + ~ *

სიტყვები, ფრაზები და ჯგუფები ყველა ინდექსში ერთად მიდის: ვიკიპედია, ვიკიწყარო, ჩვენი ქრაული, ტექსტების კრებული, ძველი ვები, ივერიელი და სამეცნიერო ჟურნალები.

ᲕᲐᲨᲝᲠᲔᲑᲗ -

გამორიცხული სიტყვა ინდექსებს ეუბნება, რომ ასეთი გვერდი საერთოდ არ მოიტანონ. ამონარიდშიც ვამოწმებთ.

ᲕᲤᲘᲚᲢᲠᲐᲕᲗ @ # > <

საიტი, წყარო, სათაური და წელი ბოლო სიას ფილტრავს: რაც წესს არ ერგება, ქრება. ახალს არაფერს ამატებს.

↓
შედეგები ჩვეულებრივად ლაგდება: აზრით, წყაროს სანდოობით და იმით, ადამიანმა დაწერა თუ არა. ნიშნებიან შეკითხვაზე ძირკვა ინდექსებიდან სამჯერ მეტ კანდიდატს იღებს, რადგან ფილტრები ბევრს აშორებს.

ᲡᲪᲐᲓᲔᲗ

დაწერეთ შეკითხვა და ნახავთ, როგორ წაიკითხავს მას ძირკვა.

ᲧᲕᲔᲚᲐ ᲜᲘᲨᲐᲜᲘ

"…"ᲖᲣᲡᲢᲘ ᲤᲠᲐᲖᲐ

ეს სიტყვები, ამ რიგით და ამ ფორმით. „…“ და «…» ბრჭყალებიც მუშაობს.

"ილია ჭავჭავაძე"

!ᲛᲮᲝᲚᲝᲓ ᲔᲡ ᲤᲝᲠᲛᲐ

სიტყვის სხვა ფორმებს არ ეძებს: !ღვინოს პოულობს მხოლოდ „ღვინოს“, არა „ღვინო“ ან „ღვინის“.

!ქართველთა

/ᲔᲠᲗ-ᲔᲠᲗᲘ

აერთებს ერთ სიტყვას ან ფრაზას თითო მხარეს, ჰარის გარეშე. მეტი სიტყვისთვის გამოიყენეთ ბრჭყალები.

ტყემალი/ბაჟე

+ᲐᲮᲚᲝᲡ

ორივე სიტყვა, ნებისმიერი ფორმით, ერთმანეთიდან მაქსიმუმ 10 სიტყვის მანძილზე.

ქვევრი+ღვინო

~ᲛᲡᲒᲐᲕᲡᲘ

სიტყვა ან მასთან მნიშვნელობით ახლო სიტყვა (მაქსიმუმ 5, სიტყვების რუკიდან). გვერდზე ჩანს, რომელი, და ზედმეტს × მოაშორებს.

~მასწავლებელი

*ᲘᲬᲧᲔᲑᲐ

ნებისმიერი სიტყვა, რომელიც ასე იწყება (მინიმუმ 3 ასო).

ვეფხისტყაოს*

-ᲒᲐᲠᲓᲐ

შედეგებში ეს სიტყვა არცერთი ფორმით არ არის. ფრაზაც შეიძლება: -"…".

ჯაზი -ფესტივალი

#ᲡᲐᲗᲐᲣᲠᲨᲘ

სიტყვა გვერდის სათაურში უნდა იყოს.

#ლექსი ბარათაშვილი

@ᲡᲐᲘᲢᲘ ᲐᲜ ᲬᲧᲐᲠᲝ

მხოლოდ ეს საიტი (@tsu.ge, @ფეისბუქი) ან წყარო (@ვიკიპედია, @ხალხი …). -@ ამ საიტს ან წყაროს აშორებს.

ქუთაისი @ხალხი

> <ᲬᲔᲚᲘ

>2015 ნიშნავს 2016 წლიდან, <2000 ნიშნავს 1999 წლამდე ჩათვლით. თარიღის გარეშე შედეგები არ ჩანს.

არჩევნები >2019

წყაროები @-ით: @ვიკიპედია, @ვიკიწყარო, @ბიბლიოთეკა, @სამეცნიერო, @ხალხი, @პატარავები, @ძველივები, @ტექსტები, @ცოდნა, @სიახლეები, @ვიდეო. საიტი: მისამართით (@tsu.ge) ან სახელით (@ფეისბუქი).

ᲬᲔᲡᲔᲑᲘ, ᲠᲝᲛ ᲐᲠᲐᲤᲔᲠᲘ ᲒᲐᲛᲝᲡᲐᲪᲜᲝᲑᲘ ᲐᲠ ᲓᲐᲠᲩᲔᲡ

  1. ნიშნის გარეშე სიტყვა სავალდებულოა და ნებისმიერი ფორმით მოიძებნება, როგორც ყოველთვის.
  2. «/» და «+» აერთებს ზუსტად ერთ სიტყვას ან ბრჭყალებში ჩასმულ ფრაზას თითო მხარეს და ორივეს უნდა ეხებოდეს, ჰარის გარეშე: ღვინო/ჭაჭა. ჰარით (ღვინო / ჭაჭა) ან ციფრებთან (24/7) ის ჩვეულებრივი სასვენი ნიშანია.
  3. ძველი ღვინო/ჭაჭა ნიშნავს: ძველი და (ღვინო ან ჭაჭა). „ძველი ღვინო“/ჭაჭა ნიშნავს: ფრაზა ან ჭაჭა.
  4. «/» და «+» ერთ ჯგუფში ერთად არ იწერება.
  5. «-» და «#» ჯგუფის დასაწყისში დგას და მთელ ჯგუფს ეხება: -ღვინო/ჭაჭა აშორებს ორივეს.
  6. «-», «@», «#» და წელი მხოლოდ აშორებს შედეგებს, ახალს არ ამატებს.
  7. მარტო მდგარი ნიშანი (ტირე ჰარებს შორის) და -5 მსგავსი რიცხვი ჩვეულებრივი ტექსტია.
  8. 12 სიტყვაზე გრძელი შეკითხვა ჩასმული ტექსტია: მასში ნიშნები არ იკითხება, და ეს შედეგების ზემოთ ჩანს.
  9. რასაც ვერ წავიკითხავთ, წითლად ჩანს შედეგების ზემოთ. ჩუმად არაფერი იკარგება.

AI ᲐᲡᲘᲡᲢᲔᲜᲢᲔᲑᲘᲡᲗᲕᲘᲡ

ძირკვის MCP სერვერი (mcp.dzirkva.ge) იგივე ნიშნებს იგებს. ასისტენტი პასუხში ხედავს, როგორ წაიკითხა ძირკვამ შეკითხვა და რა ვერ წაიკითხა, ამიტომ ზუსტ ძიებას თვითონაც აწყობს.

ვინახავთ ძიების სიტყვებს და არჩეულ ბმულებს, IP მისამართის გარეშე. ᲠᲝᲒᲝᲠ ᲛᲣᲨᲐᲝᲑᲡ · ᲐᲦᲛᲝᲩᲔᲜᲐ · ᲡᲘᲢᲧᲕᲔᲑᲘᲡ ᲠᲣᲙᲐ · ᲚᲔᲥᲡᲘᲙᲝᲜᲘ · ᲨᲔᲛᲗᲮᲕᲔᲕᲘᲗᲘ ᲡᲐᲘᲢᲘ